ដោយប្រើរូបភាពបណ្ណសារកម្រៗមកពីទូទាំងពិភពលោក លាយបញ្ចូលជាមួយអត្ថបទអក្សរសិល្ប៍ជាភាសាវៀតណាម បារាំង និងអង់គ្លេស ខ្សែភាពយន្តនេះបង្ហាញអំពីប្រវត្តិសាស្ត្រដ៏គួរឱ្យទាក់ទាញ តែពោរពេញដោយការឈឺចាប់របស់ប្រទេសវៀតណាម ចាប់តាំងពីសម័យអាណានិគមរហូតដល់ការដួលរលំទីក្រុងសៃហ្គន។ Jacques Perrin ដែលជាអ្នកថតភាពយន្តឯកសារជនជាតិបារាំង បានដឹកនាំផលិតភាពយន្តខ្នាតវែងដ៏ក្ដុកក្ដួល លន្លង់លន្លោច ស្ដីអំពីដំណើរដ៏វែងឆ្ងាយរបស់ប្រទេសវៀតណាមឆ្ពោះទៅកាន់ឯករាជ្យភាព។