កម្រងខ្សែភាពយន្តខ្លីៗរួមមានរឿង«វល្លិ៍រពាក់»របស់ញឹម សុទ្ធា, រឿង«ដីបៃតង»របស់ជា ពុទ្ធាចរណៃ, រឿង«ផ្សែងក្រអូប»របស់ឡេង គឹមឆេង និងរឿង«ដានជើងម្ដាយ»របស់យោង ម៉ាក់។ ទាំងអស់នេះសុទ្ធតែជារឿងរបស់គ្រួសារ​ដែល​ចិញ្ចឹមជីវិត​នឹងព្រៃឈើ ដីធ្លី និងការតាំងចិត្ត។ រាប់តាំងពីការរករុក្ខជាតិព្រៃនិងការដាំដុះបន្លែ​រហូតដល់ការប្រមូលខ្លឹមចន្ទនិងការរើសអេតចាយនៅក្នុងក្រុង ខ្សែភាពយន្តនីមួយៗឆ្លុះបញ្ចាំងពីការធ្វើពលកម្ម​មិនត្រឹមតែជាការរស់រានប៉ុណ្ណោះទេ វាក៏ជាកេរមរតកដែល​ត្រូវផ្ទេរបន្តដែរ។ មិនថានៅជនបទឬនៅទីក្រុង គេត្រូវស៊ូទ្រាំនឹងការលំបាក​យ៉ាងស្ងៀមស្ងាត់​ដើម្បីអ្នកជំនាន់ក្រោយទទួលបានក្ដីសង្ឃឹម។