ស្នាដៃនេះមិនមែនជាភាពយន្តធម្មតានោះទេ ប៉ុន្តែគឺជាការថតទុកនូវពិធីសាសនាតាមរយៈរបាំចំនួនបួន សម្តែងដោយគ្រូសិល្បៈខ្មែរល្បីៗនៅតាមទីតាំងសក្ការៈនានាទូទាំងប្រទេស។ ស្នាដៃសិល្បៈអរូបីទាំងនេះ ជាការបន់ស្រន់ដល់បារមីដែលគង់នៅតាមប្រាសាទបុរាណ ដើម្បីហៅដួងព្រលឹងរូបចម្លាក់បុរាណដែលត្រូវបានគេលួចយកទៅដាក់ក្នុងសារមន្ទីរនានាជុំវិញពិភពលោក ឱ្យវិលត្រឡប់មកកាន់មាតុភូមិវិញ។