រវាង​ឆ្នាំ​១៩៧៥និងឆ្នាំ​១៩៧៩ ពួក​ខ្មែរ​ក្រហម​បាន​បង្ខំស្រ្តី​ខ្មែរ​យ៉ាង​ហោចណាស់ ២៥ម៉ឺន​នាក់​ឲ្យ​រៀបការ​​។ សុខ ចាន់ ជា​ស្រ្តី​ម្នាក់​ក្នុង​ចំណោមនោះ។ ពេលអាយុ​១៦​ឆ្នាំ ពួក​ខ្មែរ​ក្រហម​បាន​បង្ខំឲ្យ​សុខ ចាន់​រៀប​ការ​ជាមួយ​ទាហានខ្មែរ​ក្រហម​ម្នាក់​​ដែល​​រំលោភនាង​។ បន្ទាប់ពី​នៅ​ស្ងៀម​ស្ងាត់​អស់​​ជាង​៣០​ឆ្នាំ សុខ ​ចាន់​​បាន​សម្រេច​ចិត្ត​នាំ​យក​រឿង​​នេះ​​មក​ប្ដឹង​តុលា​ការ​អន្តរជាតិ ដែលបង្កើតឡើងដើម្បី​កាត់​ទោស​អតីត​មេ​ដឹក​​នាំ​​ខ្មែរ​ក្រហម។ អាពាហ៍ពិ​ពាហ៍​ក្រហម ជា​រឿង​រ៉ាវរបស់​ស្រ្តីរស់រានមានជីវិត​ម្នាក់​ ដែលយកភាពជាមនុស្សរបស់ខ្លួនឯងមក​តទល់នឹង​​មនោ​គមន៍វិជ្ជា ហើយនិង​ប្រពន្ធ័​មួយ​ដែល​គេ​បង្កើត​ឡើង​​ដើម្បីដកហូតភាពជាមនុស្សដូចករណីគាត់។